Moaparo
Moaparo wa Basotho ba lebowa o ilkgethile. Diaparo tša Basotho ba lebowa di a fapana go ya ka bong. Basadi ba apara thetho le mosese mola banna ba apara lekgeswa/setsiba. Thetho ke seaparo sa khutlonne se se thibago ka pele mola mosese ke seaparo sa khutlonne se se thibago ka morago. Diaparo tše di dirwa ka mokgopa wa kgomo goba wa diphoofolo tša naga.
Lekgeswa le dirwa ka mokgopha. E ka ba wa kgomo goba diphoofolo tša naga. Ge o bona monna apere diaparo tše di dirilwego ka mokgopha ya diphoofolo tša go swana le tau, nkwe, lepogo, bj.bj, o go bontšha gore ke mogale. Banna le masogana le bona ba apara lekgeswa efela bona ba a le phothokgiša.
Ba bangwe ba re banna le masogana ba a ngatela makgeswa a bona gore ba seke ba a bonelwa. Lekgeswa la gona le tsena ka fase gomme la kgwaparetšwa gore le bowe nokeng. Lešoboro le lona le a ngatela ge le apara lekgeswa.
Basadi bona ba apara theto le mose. Theto ke seaparo sa khutlo-nne se se thibago ka pele mola mose e le sa khutlo-tharo sa go thiba ka morago. Mose o dirwa ka Letlalo la pudi. Basetsana bona ba apara lebole le mose. Le mathumaša a apara lebole le mose.
Lebole la gona le bowa ka godimo ga matolo gore le kgantšhe sebopego sa lona. Ge e le ngwetši e tlogela moaparo wa bothepa ge e ya bogadi gomme ya apara moaparo wa basadi (theto le mose).
Mathomong
